طائرة زرقاء

السلام عليكم 
حلمت من يومين تقريبا اني كنت في ميدان الجيزة . و رأيت سيدة تبيع احذية و شنط و تقريبا كانت الشنط ب 15 ف انا قلت رخيصة اشتري منها و بحثت عن شنطة تناسبني فلم اجد و وجدت شنطة قلت هاخدها و اعطيها ل أمي لاني احسست انها لكبار السن . فقالت لي السيدة ب 40 جنيه . و فتحتها لأراها فوجدت فيها فلوس رأيت 100 جنيه و ورقه اخرى ب 200 و لا اعلم يوجد بها اخرى ام لا . فأعطيتها للست و قلت لها تقريبا حد نسي الشنطة دي هنا 
ثم بحثت عن حذاء فوجدت اثنين لونهم بني بيلمع او دهبي . ف خلعت حذائي  علشان اقيس و كان لونه ابيض و شكله جميل لكن تقيل جدا و انا بخلعه استغربت من تقله و ازاي كنت لابساه . و لا اتذكر اشتريت اخر ام لا 
ثم مشيت لاخر الشارع . و كان يوجد مثل محل و يوجد فيه بعض زميلاتي من الكلية . ثم رأينا طائرة لونها ازرق اعتقدنا انها تبع الجيش . و الطائرة رمت مثل القنبلة وقعت بين رجلي على الارض و انا واقفة و فرقعت لكن لم تأذيني . و اعتقدت انها ممكن تكون هتخليني يغمى علي او تكون مثلا مثيرة للدموع و دخلت المحل و انتظرت شوية و لكن لم يحدث لي شيء . ثم رجعت مرة اخرى للمكان اللي فيه السيدة الي بتبيع الاحذية . و الوقت كان داخل على الليل . و كان قريب من الكوبري . و وجدت الطائرة تذهب لمبنى كأنه السفارة الاسرائيلية و تحضنه بجناحها ثم طارت فوق السيارات تحت الكوبري كانت تروح و تيجي كذا مرة . كنت عاوزة اعدي ااروح اخر الكوبري لكن كنت خايفة منها . و لقيت حارة او شارع ضيق في الميدان يوجد به بيوت و لا يوجد به سيارات او اشخاص . قلت هستخبى فيه لغاية ما الطيارة تمشي . كنت انا و واحدة زميلتي . كنا سامعين صوتها . و بعدين سمعنا ضرب نار و اصوات . خفنا فدخلنا بيت كان مفتوح . و فضلنا مستغبين فيه . اخر الحلم كأنا خرجنا لم طلع الصبح و لقينا المكان مدمر . و كأن حد قالي ان الجيش معملش حاجة غير انه بعت ناس تصور الحدث

هل الرائية حاليا في فترة خطوبة ام هي متزوجة - وهل تبحث عن عمل أو تشارك في أعمال تجارية ؟

متزوجة و لا اعمل و لكني اتمنى ان اعمل

ههههه
مفيش راجل مش بيفكر في التعدد 
بس مااعتقدش ان ده التفسير

الراجل اللي ما بيفكر في التعدد اكيد مراته كرهته في صنف الستات كلهم 

هل أخذتي المائة جنيه أو المئتان من الحقيبة ؟ وهل تحضرين دروس علم أو تحفيظ قرآن ؟ وهل عادة تصلين الجمعة في الجامع ؟

لا . لم اخذهم 
امتحن على الفيس فقه و عقيدة 
لا اصلي في الجامع غير في رمضان التراويح فقط
.......
فيه شيء معرفش ليه دخل في الحلم و لا لأ . كنت كاتبه على الفيس اني نفسي اشتغل قبل الحلم هذا بيومين
ففي شخص بعت لي انه ممكن يبعت لي اي مبلغ اريده افتح بيه مشروع و بعدين قالي انه يعمل في اسرائيل و متزوج اسرائيليه مع ان اسمه اسم مسلم و اسم عيلته نفس اسم عيلتي و قعد يقولي احنا ولاد عم 
و قال لي انه يقبض . لا اتذكر . كام شيكل اي ما يعادل تقريبا 150 دولار في اليوم 
بس انا لم ارد عليه لاني استغربت كلامه

بس لما تكوني كده كده بتخرجي . يبقى تخرجي و تسفادي احسن بدل ما بتخرجي من غير فايدة 
و الموضوع ليه بعد نفسي اكتر من الفلوس 
جزاكي الله خير على النصيحه

السلام عليكم،
فحوى رؤياكي أعلاه عند أمازيغية المغرب - ولمعلوماتك الطائرة الزرقاء ترمز الى ذلك الشخص . ولو فصلت لكي في أمره ستصدمين.وحسابك على الفيس مرصود.وليس هناك فائدة من كثرة الخروج إلا أن تذهبي إلى مجالس الذكر والعلم.واجعلي خروجك مع زوجك.والله أعلم.

وعليكم السلام ورحمة الله وبركاته

اسال الله ان يبارك فى جهودك اخى اسد الدين ويكتب اجرك جزاء تعبيرك للرؤى
واصل فتح الله عليك
اختى ام المستجير اسال الله ان يهيىء لك من امرك رشدا 
نعم النصيحة نصحتك بها اختى امازيغية واخى المعبر جزاهما الله خيرا فارجو ان تاخذى بها

المشتاقة لربها كتب:

وعليكم السلام ورحمة الله وبركاته

اسال الله ان يبارك فى جهودك اخى اسد الدين ويكتب اجرك جزاء تعبيرك للرؤى
واصل فتح الله عليك
اختى ام المستجير اسال الله ان يهيىء لك من امرك رشدا 
نعم النصيحة نصحتك بها اختى امازيغية واخى المعبر جزاهما الله خيرا فارجو ان تاخذى بها

جزاكم الله خير 
انا اصلا مش بحب الخروج و عمر ما بابا و لا ماما بعتوني اشتري حاجة لكن دلوقتي بخرج غصب عني . كانت حماتي تبعتني اماكن كتير و اتكسف ارفض اروح و لما اقول لجوزي مش بيقدر يقول لها حاجة و في الاخر بعتتني اشتري لها اشياء و لم يعجبها شيء اشتريته و قعدت تزعق فرديت عليها و قلت لها مش كفايه اني بروح اشتري . و الحمد لله زعلت و مبقتش بتطلب مني حاجة و مبقتش بتاكل معانا . علشان انا مبقتش اسمع كلامها و اروح الاماكن اللي بتقول عليها 
انا قبل كدة كنت بفكر في الشغل علشان اترحم من حماتي و الستات اللي بيجوا يقعدوا معاها

أسد الدين شيركوه كتب:

السلام عليكم،
فحوى رؤياكي أعلاه عند أمازيغية المغرب - ولمعلوماتك الطائرة الزرقاء ترمز الى ذلك الشخص . ولو فصلت لكي في أمره ستصدمين.وحسابك على الفيس مرصود.وليس هناك فائدة من كثرة الخروج إلا أن تذهبي إلى مجالس الذكر والعلم.واجعلي خروجك مع زوجك.والله أعلم.

جزاك الله خير 
طيب ايه التفصيل ؟ مع العلم انه كلمني مرة واحدة فقط و انا شكرته فقط على عرضه لي و لم اتحدث معه مرة اخرى . و انا لم اعد اتحدث في الفيس عن السياسة او اي شيء من هذا

ام المستجير بالله كتب:

المشتاقة لربها كتب:

وعليكم السلام ورحمة الله وبركاته

اسال الله ان يبارك فى جهودك اخى اسد الدين ويكتب اجرك جزاء تعبيرك للرؤى
واصل فتح الله عليك
اختى ام المستجير اسال الله ان يهيىء لك من امرك رشدا 
نعم النصيحة نصحتك بها اختى امازيغية واخى المعبر جزاهما الله خيرا فارجو ان تاخذى بها
*
  اللهم آمين.. جزاكم الله خيرا وبورك فيكم.

جزاكم الله خير 
انا اصلا مش بحب الخروج و عمر ما بابا و لا ماما بعتوني اشتري حاجة لكن دلوقتي بخرج غصب عني . كانت حماتي تبعتني اماكن كتير و اتكسف ارفض اروح و لما اقول لجوزي مش بيقدر يقول لها حاجة و في الاخر بعتتني اشتري لها اشياء و لم يعجبها شيء اشتريته و قعدت تزعق فرديت عليها و قلت لها مش كفايه اني بروح اشتري . و الحمد لله زعلت و مبقتش بتطلب مني حاجة و مبقتش بتاكل معانا . علشان انا مبقتش اسمع كلامها و اروح الاماكن اللي بتقول عليها 
انا قبل كدة كنت بفكر في الشغل علشان اترحم من حماتي و الستات اللي بيجوا يقعدوا معاها

 
 وهل يرضيك يا أم المستجير بالله.. أن حماتك لم تعد تأكل مع ابنها الذي ربته!؟ وتنام وهي زعلان منه؟ يرضيكي..؟ يرضيكي ذلك وأنتي.. أم ؟
اللهم ألف بين قلوبهم . 


{وَقَضَىٰ رَ‌بُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ‌ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْ‌هُمَا 
وَقُل لَّهُمَا قَوْلًا كَرِ‌يمًا . وَاخْفِضْ لَهُمَا جَنَاحَ الذُّلِّ مِنَ الرَّ‌حْمَةِ وَقُل رَّ‌بِّ ارْ‌حَمْهُمَا كَمَا رَ‌بَّيَانِي صَغِيرً‌ا}


اعلمي أختي الكريمة أن سعادتك الزوجية مرتبطة بِبر زوجك لوالدته مهما كانت هذه الأم  تبقى مكانتها عظيمة  ''أمك ثم أمك ثم أمك..''
وكم هو جميل أن تكوني صبورة ولينة ورقيقة مع حماتك حتى يلين قلبها عليك وتحبك.. ولا تقارنيها بوالديك.. 
بل اقبليها كما هي واصبري على طبعها واتقي الله فيها ولك الأجر الكثير والله يحب المحسنين  .
احتسبي ذلك عند الله عز وجل بما أنها لم تدفعك إلى معصية . 

هي مش زعلانه منه . و هي اساسا بتفطر معاه كل يوم و الغدا كانت بتتغدا معي علشان هو بيجي متأخر جدا 
و هو بيبرها و بيسمع كلامها جدا و كذا مرة كان هيطلقني بسببها . يعني مرة كنت والدة و لابسه جلبية من غير كمام تروح تقولي اغيرها و لما ما اغيرهاش تقول لجوزي و يروح يقولي غيريها لاما تروحي عند اهلك يقصد يطلقني و لما اقول لماما تقولي اسمعي كلامه و غيريها و البسي بكمام . و بكون مثلا عاوزة ابات عند اهلي لأي سبب و يكون جوزي موافق تروح هي تقوله معندناش حد يبات برة البيت غير لو هتطلق 
و كانت قاعدة معانا 3 سنين في نفس الشقة و كل يوم تعزم صحابها و بفضل واقفة في المطبخ طول النهار اعملهم اكل . و الله انا عدت عليا ايام مكنتش بلاقي وقت اسرح شعري و لما اجي اسرحه الاقيه شبك في بعضه و معرفش اسلكه روحت في الاخر قصيته . يقولي جوزي انتي قصتيه ليه امي هتزعق 
و تدي مفتاح الشقة للجيران و قرايبها علشان لما يجوا يدخلوا على طول ميستنوش لما افتح لهم و يدخلوا يفتشوا في الحاجات و لو اشتكيت يبقى انا بتاعة مشاكل 
و حاجات كتير جدا بتتحكم فيها . هي تتحكم في ابنها زي ما تحب . لكن ليه تتحكم فيا و تهدد بالطلاق على الفاضي و المليان . و جوزي ماشي وراها في كل كلمة 
و بتتضايق جدا كل لما اروح لأهلي و جوزي بيلاحظ ده فمش بيخليني اروح كتير 

و انا كذا مرة انزلها الاكل و هي ترفض تاكل منه . و انا بحمد ربنا ان ده حصل لاني مش غلطانة هي اللي غلطت فيا كتير و عمري ما رديت عليها و ربنا يخلص حقي منها